Хятад хэлний нэрт орчуулагч, дуун хөрвүүлэгч, доктор, профессор Д.Болдбаатар багш нь Гэгээ академийг үүсгэн байгуулагчдын нэг бөгөөд өдгөө зөвлөх багшаар ажилладаг. Тэрээр 1999 онд "Гэгээ" коллежийг байгуулж хятад хэлний орчуулагчдыг бэлтгэж эхэлснээр Гэгээ академийг үндсийг тавьсан түүхтэй. Д.Болдбаатар багш 20 гаруй жил хятад хэл заан, олон зуун шавь төрүүлж, асар их орчуулгын бүтээл туурвих явцдаа гадаад хэлийг хялбар сурах өвөрмөц арга барилаа боловсруулсан юм. Түүний үндэслэсэн Монгол гэр сургалтын арга барил нь 2019 онд оюуны өмчөөр баталгаажсан билээ. Д.Болдбаатар багшийн орчуулсан кино, ном зохиолоос дурдвал, "Хуанжу Гэг", "Чингис", "Хубилай", "Чонон сүлд" зэрэг 1,500 гаруй анги кино, 40 гаруй ном зохиолыг нэрлэж болно.

АНУ-ын Лигийн Их сургуулийг Бизнесийн удирдлагын чиглэлээр 2006 онд төгссөн. Их сургуулиа төгссөний дараа Америкт дөрвөн жил ажиллаж, туршлага хуримтлуулан 2010 онд эх орондоо буцаж ирсэн. 2010-2015 онд “PwC”, “Newcom”, “Nomadic Expeditions” зэрэг компанид аудит, санхүүгийн чиглэлээр ажилласан. Аавынхаа гаргаж ирсэн өвөрмөц заах арга барилд тулгуурлан 2016 оны нэгдүгээр сард Гэгээ академийг үүсгэн байгуулсан. Түүнээс хойш одоог хүртэл монгол хүмүүст гадаад хэлийг богино хугацаанд үр дүнтэй эзэмшүүлэх буянтай үйлсэд чин сэтгэлээ зориулан ажиллаж байна.

Д.Болдбаатар багш олон монгол залуусын гадаад хэл сурах хүсэл, тэмүүллийг дэмжиж, зөв чигт залах үүднээс охин Б.Билгүүний хамтаар 2016 онд Гэгээ академийг үүсгэн байгуулсан түүхтэй. Түүнээс хойш бид чанар, ёс зүй, хүндлэл, эерэг хандлагыг эрхэм зүйлээ болгон ажиллаж байна. Бид суралцагч төвтэй шийдвэрийг гаргаж алхам тутамдаа чанараа ахиулахыг зорьдог. Д.Болдбаатар, Б.Билгүүн багш нар Монгол гэр сургалтын арга барил, STEAM болон PBL хөтөлбөрийг хослуулан “Гэгээ” сургуулийг 2020 онд үүсгэн байгуулан амжилттай ажиллаж байна.