Та дүрмээр нүддэг, гэрийн даалгавраар шахдаг, шинэ үг, ханз цээжил гэж хүчилдэг, стресс дарамттай аргаар англи, хятад хэл заалгахаас халширчхаад байна уу? Уламжлалт аргаар олон жил нухсан ч үр дүн гараагүй болохоор та өөрийгөө хэл сурах авьяасгүй нэгэн гээд итгэчихсэн яваа юм биш биз? 

 

Үгүй дээ, гадаад хэл сурч чаддаггүй, авьяасгүй хүн гэж байдаггүй. Та өөрт тохирох зөв арга барилаа л олоогүй байна. Бид оюуны өмчөөр баталгаажсан өөрсдийн өвөрмөц арга барилаар сурагчдаа англи, хятад хэлний гацаанаас гаргаж, богино хугацаанд өндөр үр дүнг мэдрүүлдэг гэдгээрээ танигдсан.

Гэгээ академийн үндсэн чиг болох Монгол гэр сургалтын арга барил нь сэтгэл тогтох ёс, ном уншилт, чанга дуугаар дуудан унших дадал дээр суурилдаг. Манай арга барил нь хүүхэд хэлд орохтой ижил зарчимтай гэж энгийнээр тайлбарлаж болно. Бид сурагчдаа шинэ үг, ханз цээжил гэж шахдаггүй, дүрмээр нүддэггүй, гэрийн даалгавраар булдаггүй, стресс дарамт өгдөггүй. Эсрэгээрээ, сэтгэл санаагаа хөнгөн байлгаж, хичээлд 100 хувь төвлөрөхийг сурагчдаасаа хүсдэг. Ном уншсанаар хүний уншаад ойлгох, бичих чадвар хөгждөг. Чанга дуугаар дуудан уншсанаар сонсгол сайжирч, ам эвлэн ярих суурь болж өгдөг.

Заах, зөвлөх, хүнтэй харилцах чадварыг эзэмшсэн, бэлтгэгдсэн багш нар танд хичээл заана. Гадаад хэл сурах явцад хүн бүрд тохиолддог сэтгэл зүй, сэтгэлгээний саад бэрхшээлийг даван туулахад тань манай багш нар туслах болно.